Томохико Уяма — тарихшы, саясаттанушы, Хоккайдо университетінің Славян және Еуразия зерттеулері орталығының профессоры. Ол Орталық Азияның жаңа дәуір тарихы мен қазіргі саясатын, Ресей империясының және империялардың салыстырмалы тарихын зерттейді. Негізгі зерттеу бағыттары — 19-ғасыр мен 20-ғасыр басындағы қазақ зиялылары, 1916 жылғы ұлт-азаттық көтеріліс, 1917 жылғы революциялық оқиғалардың Орталық Азиядағы көрінісі, ұлтшылдық мәселелері және аймаққа қатысты Ресей империясының саясаты.
