Тарихи әліппе/Qalam редакциясы
Біздің бабаларымыз өмір сүрген, қазір өзіміз тұратын әлем туралы жаңа нәрсе білу — жаныңды ләззатқа бөлейді. Оқырмандарымызды да бір қуантып тастау үшін Qalam редакциясы Citix @citix.me технологиялық компаниясымен бірігіп, жаңа жоба дайындады. Бұл жобада тарихи әліппеге тізілген маңызды әрі қызықты фактілер бар. Енді сіздер оларды қаладағы Citix смартбордтарынан көре аласыздар, ал ол туралы көбірек білгіңіз келсе, біздің сайтқа өтіңіз.
Цин
Цин біздің дәуірімізге дейінгі 3 ғасырда пайда болған алғашқы қытай империясы.
Император Цин Шихуанди 221 жылы Қытайдың үнемі қақтығысып жүретін патшалықтарын алғаш рет біріктірді. Империяда тәртіп өте қатал болды: тіпті болмашы заң бұзушылықтар үшін адамдарды жазалап, азаптағаны белгілі. Әр адамның өмірі пәлеқорлар мен шенеуніктердің бақылауында болды. Мұндай жағдай кейде жаулап алу үшін тиімді болуы мүмкін, бірақ бейбіт өмірде мұндай тәртіп кәдеге жарай қоймады. Император қайтыс болған соң елде көтеріліс пен соғыс басталып, хаос орнады.
Цинь Шихуанди императорының қабірінде табылған терракота жауынгерлері/China Photos/Getty Images
