Тарихи әліппе/Qalam редакциясы
Біздің бабаларымыз өмір сүрген, қазір өзіміз тұратын әлем туралы жаңа нәрсе білу — жаныңды ләззатқа бөлейді. Оқырмандарымызды да бір қуантып тастау үшін Qalam редакциясы Citix @citix.me технологиялық компаниясымен бірігіп, жаңа жоба дайындады. Бұл жобада тарихи әліппеге тізілген маңызды әрі қызықты фактілер бар. Енді сіздер оларды қаладағы Citix смартбордтарынан көре аласыздар, ал ол туралы көбірек білгіңіз келсе, біздің сайтқа өтіңіз.
Ётундар
Герман-скандинав мифологиясындағы мұзды алыптар, құдайлардың, адамдардың және тіршіліктің атаулының жауы
Соңғы шайқас — Рагнарёк келгенде, ётундар асалармен (құдайлармен) және батырлармен күресіп, әлемді мұзды түнекке батырмақ. Герман-скандинав мифологиясы негізінен қорқынышты болғандықтан, Рагнарёкте ётундар жеңіске жетеді, ал біздің әлем күйрейді. Оның қалдықтарынан мүлде басқа, бізге қатысы жоқ жаңа әлем пайда болады.
Артур Рэкем. Ётундардың құдай-ана Фреяны ұрлап қашуы. Р.Вагнердің «Рейн алтыны» операсына арналған сурет. 1910/Wikimedia commons
