Петр Мамонов. 2010 жыл/Георгий Куролесин/РИА Новости
Qalam сантүрлі мәдениеттердің өзара тоғысуын зерттеуге тырысады. Осыған орай музыка әртүрлі географиялық және идеологиялық кеңістіктер арасында бітімгер қызметін атқаратын плейлисттер сериясын бастауға шешім қабылдадық. Біздің алғашқы плейлистіміз «Батыстан Шығысқа — жүз үздік туынды» деп аталады. Ол аптасына бірнеше рет жаңартылып отырады, әрі Батыс поп-мәдениетінде музыкалық, географиялық, тұрмыс-салт яки саяси өзге де Шығысқа тән шындықтың қалай бейнеленгенін сөз ететін болады («Батыс» және «Шығыс» ұғымдарын бұл жағдайда мейлінше кең әрі шартты түрде түсінген жөн).
Бұл ән — Петр Николаевич Мамоновтың көбіне тоқсаныншы жылдардың басында концерттерде «Мамонов пен Алексей» тобының құрамында орындаған әні. Алайда аса танымал емес. Шамдар мен Ленин тақырыбындағы әдеттегі Мамонның қалалық галлюцинациясы «Қытайға барайық!» деген абсурдтық айқаймен басталады. Қытай бұл жерде географиялық нүкте емес, түпкі мәнінде сананың белгілі бір түйінін айтып тұрғаны анық. Набоковтың «Король, мәтке, валет» (1928) романында кейіпкерлердің бірі әйелдер туралы өрескел ойға батып, «Қытайда кетсем, жақсы болар еді» дейді, бұл да осыған ұқсас нәрсе. Қызық.