Қазақша күрес
Күрес өнері - мұрағат суреттерінде
«Мың рет естігеннен бір көрген артық» деген халықтың ерекше тағылымы бар. Сол себепті Qalam түрлі дәуірден бізге кеп жеткен деректі фотосуреттердің тарихынан сыр шертетін жаңа айдар қосты.
Қазақ балуаны Қажымұқанның 20-ғасырдың басындағы халықаралық табысы мен оны көпшіліктің мойындауы таңғаларлық жағдай емес. Қазақ даласының күнделікті тыныс-тіршілігін суретке түсірген сол кездегі еуропалық этнографтардың фотосуреттеріне қарап, қазақ күресіне деген құштарлықтың қаншалықты кең тарағанын аңғаруға болады. Әр таптың ересектері күреске шыққан, ас беруде де, үйлену тойында да күрескен, балалар өз бетінше, болмаса жаттықтырушының бақылауымен де күреске шыққан. Сайып келгенде, жекпе-жекті ұйымдастыру үшін жігерлі рух пен бірнеше көрерменнен басқа ештеңе қажет емес.
