Азғындыққа ұшырмау үшін маскүнемдік қалай көмектеседі?
Ұлы француз моралисі былай дейді
Мишель де Монтень/Wikimedia commons
Мен бір мәртебелі тұлғаны танимын, ол үнемі үлкен іс қылғанда табысқа кенелді, ол әдетте тамақтанғанда кем дегенде жиырма пинт шарап ішіп алып, содан кейін күрделі істердің күрмеуін оңай әрі шебер шешуші еді. Біз өмірде ләззатқа ерік беруіміз керек. Сіз ішудің бірде-бір мүмкіндігінен құр қалмаңыз және сіз әрқашан бойыңызда мынадай бір қалауыңыз ойнап тұрсын: осыған келгенде сіз дүкендегі жеткізушілер немесе қолөнершілер сияқты болуыңыз керек. Біз үнемі шарапты күнделікті тұтыну әдетін шектейтінге ұқсаймыз және бұрын үйімізде, бала кезімде байқағанымдай, тәттілер мен ішімдіктердің түр-түрі қазіргіге қарағанда көп болатын. Бұл біз қандай да бір жағынан жақсы бағытқа бұрылып барамыз деген сөз бе? Жоқ! Бұл дегеніміз — біз әкелерімізге қарағанда азғындыққа тереңірек батып бара жатқанымыздың белгісі. Өйткені адамның азғындық пен шарапқа тең берілуі мүмкін емес. Шараптан бас тарту, бір жағынан, асқазанымызды әлсіретеді, ал екінші жағынан, бізді махаббат құмарлығына батқан әйелге айналдырып жібереді.
Мишель де Монтень (1533–1592) — француз ренессансының ең ірі философтарының бірі.